سپورت
3 د لوستلو دقیقې
میسي د په زړه پورې لوبې وروسته له  اوښکو ډکو سترګو سره د ارجنټاین د ملي لوبډلې سره مخه ښه وکړه
د نړۍ نامتو فوټبالر او د ارجنټاین د ملي لوبډلې لوبغاړي لیونل میسي په ملي لوبډله کې خپله وروستۍ لوبه د بنین لوبډلې پر وړاندې وکړه. دا لوبه ۳ د صفر پر وړاندې ارجنټاین وګټله.
میسي د په زړه پورې لوبې وروسته له  اوښکو ډکو سترګو سره د ارجنټاین د ملي لوبډلې سره مخه ښه وکړه
میسي د په زړه پورې لوبې وروسته له  اوښکو ډکو سترګو سره د ارجنټاین د ملي لوبډلې سره مخه ښه وکړه
 

 همداشان پدې لوبه کې میسي د یوه ګول او دوو اسیسټونو په کولو سره له احساساتو ډکه مخه ښه وکړه، چې د هغه ۱۲۶م نړیوال ګول د هغه د ۲۰۸مې او وروستۍ لوبې ښکلا شوه.

لیونل میسي په ابي او سپین رنګ جامو کې وروستۍ عالي لوبه ترسره کړه، ځکه د ارجنټاین لوبډلمشر پر بنین د ۳-۰ دوستانه بریا په ترڅ کې د یوه ګول په وهلو او دوو نورو په برابرولو سره خپل ۲۱ کلن حیرانوونکي نړیوال مسلک ته د پای ټکی کېښود.

د سه شنبې په ورځ په مونیومنتال له ګڼې ګوڼې ډک لوبغالي کې د څه باندې ۸۵ زره مینه والو پر وړاندې د دې ۳۹ کلن ستوري وروستۍ ننداره تر ډېره د فوټبال په اړه نه، بلکې ملي لوبډلې ته د میسي د خدمتونو یوه ملي لمانځنه وه.

د پلازمینې په کچه مشهور ځایونه د لوبډلې په ځانګړو اسماني ابي او سپینو رنګونو روښانه شوي وو، په داسې حال کې چې د لوبغالي دپاسه اسمان په اورلوبو (پټاکیو) رڼا شوی و او مینه والو له زړه څخه د ارجنټاین ملي سرود ووایه.

د میسي کورنۍ د ارجنټاین د ۱۹۷۸، ۱۹۸۶ او ۲۰۲۲ کلونو د نړیوال جام ګټونکو له ځینو غړو سره یوځای له نندارځایونو څخه په ویاړ سره دا لوبه ننداره کوله.

څو ساعته مخکې، د میسي په پلرني ښار روساریو کې د ملي بیرغ په یادګار کې د ۱۰ شمېرې یو لوی کمیس چې "ګراسیاس" (مننه) پرې لیکل شوی و، وځړول شو.

کله چې د لوبډلې بس د هغه روزنیز مرکز څخه چې د ده په نوم نومول شوی، حرکت وکړ، میسي خپلې اوښکې پاکې کړې پداسې حال کې چې زرګونه کسان د سړک پر غاړو ولاړ وو.

کله چې لوبډلې میدان ته ښکته شوې، د بنین لوبډلمشر داسې برېښېده چې د ویلو لپاره یې ټکي نه درلودل، ځکه هغه د لوبې له پیل مخکې د ستړي مشي پر مهال میسي ته یوه ډالۍ او لیک ورکړ.

د "میسي، میسي" شعارونه

له ګول پرته د لومړۍ نیمې وروسته، میسي نیکولاس اوټامینډي ته د ارجنټاین د لومړي ګول وهلو لپاره پاس (اسیسټ) ورکړ.

اوټامینډي په ملي لوبډله کې د څلورو نړیوالو جامونو په ګډون له میسي سره ۱۷ کاله یوځای تېر کړي، او هغه هم خپل نړیوال مسلک ته د پای ټکی کېښود.

وروسته میسي نیکو پاز ته د دویم ګول وهلو زمینه برابره کړه، هغه لوبغاړی چې د ارجنټاین د ۱۰ شمېرې کمیس د احتمالي ځایناستي په توګه ورته کتل کېږي.

د یوې افسانوي کیسې په څېر پای کې، میسي د پنالټي په وهلو سره لوبه ۳-۰ کړه، چې دا د هغه ۱۲۶م نړیوال ګول و، او په دې سره نندارچیانو یو ځل بیا د "میسي، میسي" نارې پیل کړې.

د لوبې د پای شپېلۍ په وهلو سره، د لوبډلې غړي، سیالان او لوبڅار (ریفري) د میسي شاوخوا د غېږې ورکولو لپاره راټول شول، او له هغې وروسته د هغه د ارجنټایني مسلک د پای لمانځلو په موخه د بې پیلوټه الوتکو (ډرون) یوې نندارې اسمان روښانه کړ.

میسي د هېواد د تر ټولو ډېرو لوبو کوونکي (۲۰۸) او د ریکارډ کچې ګول وهونکي په توګه رخصتېږي، چې په نړیواله کچه یې د کلونو نا امیدي د نړیوال جام او کوپا امریکا په بریاوو بدله کړه.

د کلونو لپاره، ارجنټاین له میسي څخه د بریاوو تمه درلوده. خو د سه شنبې په ورځ، دوی یوازې د 'مننې' ویلو لپاره راغلي وو.

 

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.