ساینس او ټکنالوژي
3 د لوستلو دقیقې
ګوګل په هند کې د ۱۵ میلیارده ډالرو پانګه ونې سره د مصنوعي ځیرکتیا او معلوماتو مرکز جوړوي
د هند د جنوبي ایالت اندرا پردېش چارواکو ویلي چې د الفابېټ شرکت ګوګل به ۱۵ میلیارده ډالره پانګونه وکړي ترڅو په دغه ایالت کې یو لوی د معلوماتو مرکز او د مصنوعي ځیرکتیا مرکز جوړ کړي،
ګوګل په هند کې د ۱۵ میلیارده ډالرو پانګه ونې سره د مصنوعي ځیرکتیا او معلوماتو مرکز جوړوي
ګوګل په هند کې د ۱۵ میلیارده ډالرو پانګه ونې سره د مصنوعي ځیرکتیا او معلوماتو مرکز جوړوي / Reuters
 

په هند کې د مصنوعي ځیرکتیا د معلوماتو مرکز لپاره د ګوګل ۱۵ میلیارده ډالري پلان
توماس کوریان وویل چې په ویساکاپټنام کې د ګوګل د مصنوعي ځیرکتیا مرکز له امریکا بهر د دوی تر ټولو لویه پانګه اچونه ده او د هند ډیجیټلي راتلونکی به پرمخ بوځي.

د هند د جنوبي ایالت اندرا پردېش چارواکو ویلي چې د الفابېټ شرکت ګوګل به ۱۵ میلیارده ډالره پانګونه وکړي ترڅو په دغه ایالت کې یو لوی د معلوماتو مرکز او د مصنوعي ځیرکتیا مرکز جوړ کړي، چې دا په دغه سویلي اسیايي هېواد کې د دې شرکت تر ټولو لویه پانګه اچونه ده.

د ګوګل کلاوډ اجراییوي رئیس، توماس کوریان، په نوي ډیلي کې په یو لړ مراسمو کې په ویساکاپټنام کې د مصنوعي ځیرکتیا د مرکز د اعلانولو پر مهال وویل: «دا له امریکا بهر تر ټولو لوی د مصنوعي ځیرکتیا مرکز دی چې موږ پرې پانګونه کوو.»

کوریان وویل چې په راتلونکو پنځو کلونو کې به د پانګې اچونې ټوله اندازه ۱۵ ملیارده ډالرو ته ورسېږي.

د ایالتي حکومت د یوې اعلامیې له مخې، ګوګل به د ویساکاپټنام په بندري ښار کې یو ۱ ګیګاواټه د معلوماتو مرکز جوړ کړي، چې د مصنوعي ځیرکتیا زیربنا، د انرژۍ لویې سرچینې، او پراخه فایبر اپټیک شبکه به ولري.

تمه ده چې رسمي تړون به د سه‌شنبې په ورځ لاسلیک شي.

دا اقدام په داسې حال کې کیږي چې د لویو ټکنالوژیکي شرکتونو ترمنځ سیالي مخ په ډېرېدو ده، او دوی د مصنوعي ځیرکتیا خدماتو لپاره د ډېرېدونکې غوښتنې پوره کولو لپاره د معلوماتو د نویو مرکزونو پر جوړولو ډېرې پیسې لګوي.

د ایالت د معلوماتي ټکنالوژۍ وزیر نارا لوکېش وویل، "په داسې یو پېر کې چې معلومات نوي تېل دي، دا ډول نوښتونه به یوه ستراتیژیکه ګټه وي."

په هند کې د ټکنالوژۍ په برخه کې پانګونې مخ پر زیاتېدو دي

د دې اقدام سره، ګوګل د هغو امریکايي ټکنالوژیکي لویو شرکتونو په کتار کې شامل شو چې په هند کې خپله سوداګري پراخوي.

امازون ژمنه کړې چې تر ۲۰۳۰ کال پورې به د خپل کلاوډ زیربنا پیاوړې کولو لپاره ۱۲.۷ میلیارده ډالره ولګوي، په داسې حال کې چې د ChatGPT جوړونکی شرکت OpenAI پلان لري چې د خپل سټارګېټ (Stargate) نوښت لاندې یو ګیګاواټه د معلوماتو مرکز جوړ کړي.

د صنعت اټکلونه ښيي چې تر ۲۰۲۷ کال پورې به په هند کې د معلوماتو د مرکزونو پانګونه له ۱۰۰ میلیارده ډالرو څخه واوړي.

لومړي وزیر نریندرا مودي ټکنالوژي د هند د اقتصادي ستراتیژۍ یو بنسټ بللی، چې موخه یې د ډیجیټلي ودې له لارې له بېوزلۍ څخه د میلیونونو خلکو ایستل دي.

خو، د اوبو محدودې سرچینې او د برېښنا غیرمنظم تأمین لا هم د هېواد د زیربناوو هیلې له ننګونو سره مخ کوي.

وپلټۍ
ایران امریکا تورنه کړه چې د بیولوژیکي وسلو د ادعاوو له لارې پر عراق د یرغل «فریب» بیا تکراروي
د تورکیې مرستیال ولسمشر جودت یلمز د ازبکستان له ولسمشر میرضیایف سره لیدنه وکړه
اردوغان: د تورکیې بې‌پیلوټه جنګي الوتکه «قزل‌الما» د دندې په موخه د تورکیې وسله وال پوځ ته وسپارل شو
د امریکا سنا مجلس د ایران د جګړې د پای ته رسولو په خاطر مسوده رد کړه.
د مهمو خبرونو غورچاڼ
اسرائیلي ځواکونو په مرکزي غزه کې د فلسطینیانو کورونه په بمونو الوزولي .
شي، ټرمپ او پوتین درې اړخیزه غونډه پایته ورسیده.
د غیرقانوني اسرائیلي ښارګوټو اوسیدونکو د پوځ تر ساتنې لاندې د یوسف ع مقبرې باندې چاپه واچوله
د هالنډ د وسلو جوړونې شرکت کارکوونکو اوکراین سره پر روسیه د بې‌پیلوټه الوتکو په بریدونو کې مرسته کړې
د حوثي ملېشو برید په ریاض کې د سعودي عربستان د عامه پانګونې صندوق ودانۍ زیانمنه کړې ده.
ټرمپ وايي، امریکا د ایران جګړې د پای ته رسولو لپاره د چین یا روسیې مرستې ته اړتیا نه لري
ټرمپ د آسیا-پسیفک اقتصادي همکارۍ  سرمشریزې په څنډه کې له شي جین پینګ او پوتین سره جلا جلا لیدنې وکړې
د مهمو خبرونو غورچاڼ
د چین ولسمشر شي د امریکا د ولسمشر ټرمپ هرکلی وکړ او د چین د «متقابل عمل دود» نه یادونه وکړه.
اردوغان: اسرائیل غزه د «نړۍ پر تر ټولو لوی اجباري کمپ» بدله کړې ده.