دغه شورا به د سپټمبر پر ۲۳مه په نیویارک کې خپله غونډه ترسره کړي.
راپورونه زیاتوي چې د غزې سولې شورا په پام کې لري د غزه تړانګې لپاره د ۲,۴۵ میلیارد ډالرو په لګښت د ۶ میاشتو یو بیړنی او هر اړخیز د بیارغونې او اسانتیاوو راوستلو پلان اعلان کړي.
په دې غونډه کې، چې تمه کېږي د شورا د غیر غړیو هېوادونو په ګډون د ټولټال ۳۵ هېوادونو استازي برخه واخلي، د غزه تړانګې د لومړني وضعیت سمولو لپاره د ۲,۴۵ میلیارد ډالرو ارزښت لرونکی او د ۶ میاشتو لپاره د بیارغونې نوی انکشافي پلان وړاندې شي.
د مالي لګښتونو وېش
په دغه پراخ پلان کې شامل ۲,۴۵ میلیارد ډالر به ټولټال په ۶۶ بېلابېلو پروژو وېشل کېږي. دا پروژې لنډمهاله استوګنې، د کنډوالو او ملبو پاکول، د روغتونونو بیا رغونه، اقتصادي فعالیتونه او د یوې څو ملي امنیتي قطعې د ځای پر ځای کولو چارې تر پوښښ لاندې راولي.
لنډمهاله کمپونه او سرپناه: د لنډمهاله سرپناو او کمپونو جوړولو ته ۴۰۰ میلیون ډالر تخصیص شوي.
مخروبو او ناچاودو توکو پاکول: د ویجاړیو، ملبو او د خطرناکو ناچاودو وسلو د پاکولو چارو ته ۲۷۵ میلیون ډالر ټاکل شوي.
روغتیايي او ټرانسپورټي ودانۍ: د روغتونونو تجهیز او بېرته فعالولو ته ۵۰ میلیون ډالر او د غزې د سړکونو او تنظيمي ترانسپورټي شبکې رغولو ته ۳۰ میلیون ډالر په نظر کې نیول شوي.
امنیتي او عسکري برخې: په سیمه کې له امنیت سره د تړلو پروژو لپاره نږدې ۸۸۵ میلیون ډالر ریزرف شوي دي.
اجتماعي او تحصیلي خدمات: د روغتیا، پوهنې او د خلکو د ټولنیزې هوساینې او ولسي مرستو پروګرامونو ته نږدې ۳۰۰ میلیون ډالر ځانګړي شوي دي.
سیارې کارواني کوټې: د هغو بېځایه شوو فلسطینیانو لپاره چې په خېمو کې اوسېږي، د مجهز او سمبال شوو کانتینري/کارواني کوټو برابرولو ته نږدې ۴۰۰ میلیون ډالر بېل شوي دي.
د وسلو راټولولو پروګرام: د حماس په ګډون د ټولو وسله والو ډلو د غړیو لخوا د وسلو او مهماتو تسلیمولو او د هغوی د ډاډمن له منځه وړلو «د وسلو اخیستلو پروګرام» د پر مخ وړلو لپاره ۲۰ میلیون ډالر مالي برخه اېښودل شوې ده.
