د تورکیې دفاعي صادرات د ۲۰۲۵ کال په لومړیو لسو میاشتو کې ۳۱ سلنه لوړ شوي او ۶.۷ میلیارډ ډالرو ته رسېدلي دي.

د تورکیې د دفاعي صنایعو د سکرتریت مشر وویل چې د ۲۰۲۵ کال په لومړیو لسو میاشتو کې د دغه هیواد د دفاعي او هوایي صنایعو صادرات د تیر کال د همدې مودې په پرتله ۳۱ سلنه زیات شوي او ۶.۷ میلیارډ ډالرو ته رسېدلي دي.

د روان کال له جنورۍ څخه تر اکتوبر میاشتې پورې د تورکیې په ټولیزو صادراتو کې د دفاع او هوايي چلند سکتور ونډه هم ۳.۵ سلنې ته لوړه شوې ده.

خالوق ګورګون د تورکیې پر ټولنیزې رسنۍ (NSosyal) له لارې په خپور کړي بیان کې ویلي دي : "زموږ په سکتور کې د صادراتو دا دوامداره بریا د دفاعي صنایعو د همکاریو د هغو فعالیتونو پایله ده چې موږ یې په ټوله نړۍ کې ترسره کوو."

هغه زیاته کړه: "موږ دغو هڅو ته په پوره هوډ سره دوام ورکوو."

د روان کال په لومړیو لسو میاشتو کې د تورکیې ټولیز صادرات ۲۲۴.۶ میلیارډ ډالرو ته رسېدلي چې د تېر کال په پرتله ۳.۹ سلنه زیاتوالی ښیي.