سپورت
2 د لوستلو دقیقې
د تورکیې د ښځو د واليبال ملي لوبډلې د دویم ځل لپاره د ملتونو لیګ اتلولي وګټله
تورکیې د پرله پسې اتم ځل لپاره پایلوبو (فاینلز) ته په رسېدو سره، برازیل ته ۳ د یو په مقابل کې  ماتې ورکړه او د FIVB واليبال ملتونو لیګ په تاریخ کې یې خپله دویمه اتلولي خپله کړه.
د تورکیې د ښځو د واليبال ملي لوبډلې د دویم ځل لپاره د ملتونو لیګ اتلولي وګټله
د تورکیې د ښځو د واليبال ملي لوبډلې د دویم ځل لپاره د ملتونو لیګ اتلولي وګټله

د تورکیې د ښځو د واليبال ملي لوبډلې د ۲۰۲۶ کال د FIVB واليبال ملتونو لیګ په پایلوبه کې برازیل ته ۳ د ۱ پر وړاندې ماتې ورکړه او په دغه سازمان کې یې د دویم ځل لپاره د اتلولۍ جام وګاټه.

پایلوبه د یکشنبې په ورځ د چین د مکاو ځانګړې اداري سیمې د "ختیځې اسیا د لوبو په تالار" کې ترسره شوه. تورکیې د نړۍ له دویمې درجې لوبډلې برازیل سره په مقابله کې ۳ د یو پر وړاندې بریا ترلاسه کړه او جام یې پورته کړ.

د تورکیې د والیبال ښځینه ملي لوبډلې  د ملتونو لیګ لومړۍ اتلولي په ۲۰۲۳ کال کې ترلاسه کړې وه. د ۲۰۲۶ کال په دې بریا سره یې په دغو سیالیو کې د سرو زرو دویم مډال ترلاسه کړ.

تورکیه له ۲۰۱۸ کال راهیسې، چې دا سیالۍ پیل شوې دي، اته ځله پرله پسې پایلوبو ته رسیدلې ده. د خپلو مډالونو شمېر یې دوه سرو زرو، یو سپینو زرو او یو برونزو ته په رسولو سره د دې سازمان په تاریخ کې د یوې تر ټولو بریالۍ لوبډلې په توګه خپل مقام وساته.

ایټالوي سرښوونکي دانییل سانتاریلي، چې په ۲۰۲۳ کال کې یې دنده پیل کړې وه، له تورکیې سره خپله درېیم د سرو زرو مډال وګټله.

د سانتاریلي تر مشرۍ لاندې، ملي لوبډلې د ۲۰۲۳ کال د اروپا اتلولۍ، او د ۲۰۲۳ او ۲۰۲۶ کلونو د ملتونو لیګ له اتلولیو وروسته، د ۲۰۲۵ کال د FIVB د ښځو په نړیوالو سیالیو کې د سپینو زرو مډال هم ترلاسه کړی و.

تورکیې همدارنګه د ۲۰۲۴ کال د پاریس په المپیک لوبو کې د برونزو مډال په لوبه کې له برازیل څخه د ماتې غچ، دوه کاله وروسته دا ځل د ملتونو لیګ په پایلوبه کې واخیست.

بلخوا برازیل د دغه سازمان په تاریخ کې په پایلوبه کې خپله پنځمه ماتې تجربه کړه. د سویلي امریکا دې لوبډلې تر دې وړاندې په ۲۰۱۸، ۲۰۱۹ او ۲۰۲۱ کلونو کې له امریکا او په ۲۰۲۵ کال کې له ایټالیا څخه ماتې خوړلې وه.

 

وپلټۍ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي
یو عدلي طب کارپوه وايي چې د اپسټین مړینه تر ځان‌وژنې ډېره له وژنې (قتل) سره ورته والی لري
وینس وايي د ټرمپ اداره به اجازه ورنه کړي چې له ایران سره جګړه پر یوې بلې «نه ختمېدونکې جګړې» بدله شي
د مهمو خبرونو غورچاڼ
اردوغان د تورکیې په کوربه‌توب د COP31 سرمشریزه په تاریخ کې «تر ټولو بریالۍ» سرمشریزه وبلله.
ایران وايي چې هرمز تنګي ته نږدې یې د امریکا یوه پوځي بې‌ پیلوټه الوتکه نیولې ده
عراقچي وايي،د امریکا لخوا د ایران د شرطونو د منلو په صورت کې په دوو ورځو کې به هرمز تنګی پرانیزو.
په هرمز تنګي کې درې د تېلو لېږدوونکې بېړۍ له سمندري ماینونو سره جنګیدلي دي.
شیخه حسینه واجد وايي چې د اعدام د سزا له ګواښ سره سره به په ډسمبر کې بنګله دېش ته ستنه شي.