«د ماشومانو په ګډون بېشمره بې ګناه کسان وژل شوي دي.»
انډي برنهم د امریکا په نیویارک ښار کې د ملګرو ملتونو (UN) عمومي اسامبلې ته په خپله وینا کې روښانه کړه چې بریتانیا د منځني ختیځ پالیسي بیابیا جدي ارزیابي له له سره يي پر غور کړی دی او له یوه شمیر نورو همکارو هېوادونو سره په همغږۍ عملي ګامونه پورته کوي.
برنهم ددې خبرې په ټینګار وویل چې د ۲۰۲۳ کال د اکتوبر پر ۷مه پر اسرائیلو شوی برید په غزه او لوېدیځه غاړه کې د هغوی هېڅ برید او تیري ته مشروعیت نه شي بښلی: «د ماشومانو په ګډون خورا زیات خلک قرباني او وژل شوي دي. سیمې ته د بشري مرستو کچه بیخي کمه ده. دا دردونکی وضعیت له ډېرې مودې راهیسې دوام لري. د بېساري انسان سوزوونکو دردونو او کړاوونو پر مهال، او کله چې د دواړو لورو د هوساینې او تلپاتې سولې یوازینۍ لاره یعنی دوه دولتي حل لاره تر شدید برید لاندې ده، موږ چپ او خاموش پاتې کېدای نه شو.»
برنهم په لوېدیځه غاړه کې د اسرائیلو لخوا د غیرقانوني ښارګوټو د جوړولو د پلانونو په ځواب کې وویل: «داسې اقداماتو ته هېڅکله اجازه نه شي ورکول کېدای. له همدې امله موږ عملي اقدام وکړ او له غیرقانوني ښارګوټو سره مو هر ډول تجارتي او اقتصادي اړیکې منع کړې. موږ دا روښانه کړه چې د فلسطین پر خاوره د اسرائیلو اشغال بالکل غیرقانوني دی. موږ غواړو چې د وژنو او ناخوالو دغه سلسلې ته سمدستي د پای ټکی کېښودل شي. موږ غواړو چې اسرائیلیان او فلسطینیان د یوه بل تر څنګ په سوله او ډاډمن امنیت کې ژوند وکړي.»
انډي برنهم په پای کې یادونه وکړه چې د دوه دولتي حل لارې په اړه خبرې تر نامعلومې مودې غځول او د دې بستر په عملی کولو کې ناکامېدل د سیاسي ادارو او جوړښتونو ترمنځ د ولسونو باور ختموي او زیاته یې کړه: «زموږ دښمنان به له دغې ترخې ناکامۍ څخه ناسمې استفادې پیل کړي.»
