په دې اړه د ولسمشرۍ وړاندیز د تورکیې د پارلمان په عمومي غونډه کې ومنل شو.
د تورکیې د پارلمان عمومي غونډه د عدن په خلیج، د سومالیا په اوبو او د عربو په بحیره (بحر العرب) کې د تورکي وسله والو ځواکونو د دندې د ۲ نورو کلونو لپاره د غځولو په موخه جوړه شوه.
د ولسمشرۍ په دغه وړاندیز کې ټینګار شوی چې تورکي سرتېري د ملګرو ملتونو او ناټو په چوکاټ کې دندې ترسره کوي.
په یاد پرېکړه لیک کې دې ته اشاره شوې چې په ځانګړې توګه له سومالیا څخه د سمندري حریم د امنیت ساتلو لپاره له تورکیې څخه د مرستې غوښتنه شوې ده. همدارنګه په سیمه کې د تورکیې پورې اړوند کښتیو د امنیت تامین، له وسله والو غلو او سمندري تروریزم سره اغېزمنې مبارزې ته په پام سره، په دې برخه کې د ترکیې رول خورا مهم بلل شوی دی.
په عمومي غونډه کې د سیاسي ګوندونو د استازو له ویناوو وروسته په ترسره شوې رایه اچونه کې د ولسمشرۍ یاد وړاندیز د رایو په اکثریت سره تصویب شو.
