د تورکیې ملي راډیو تلویزیون ( ټي آر ټي ) خپل نړیوال سینمايي شتون پیاوړی کوي. ټي آر ټي  د نړۍ په کچه د مشهورو ډایرکټرانو سره په ګډه تولید کړي فلمونه  د کن د ۷۹م فلمي فستیوال په اصلي سیالۍ کې شامل شوي دي.

ټاکل شوې چې د ټي آر ټي (TRT) په ګډ تولید جوړ شوي درې فلمونه د کن په ۷۹م فلمي فستیوال کې د "پالم ډور" (Palme d’Or) معتبرې جایزې لپاره سیالي وکړي.

په دغو پروژو کې د نړۍ مشهورو ډایرکټرانو لکه اصغر فرهادي، ریوسوکي هاماګوچي، او اندرې زویاګینتسف کارونه شامل دي، چې دا په نړیواله سینما کې د ټي آر ټي مخ پر ودې اغېز او د لوړ کیفیت تولیداتو ته د هغې ژمنتیا په ګوته کوي.

د تورکیې د عامه  اړیکو رئیس برهان الدین دوران وویل: "د داسې ستایل شویو ډایرکټرانو په پروژو کې ګډون د ټي آر ټي د خپرونو لیدلوری او د فلم په صنعت کې د هغه نړیوال ځای څرګندوي."

"موږ په دغو غوره تولیداتو کې ټولو ښکېلو کسانو ته مبارکي وایو او د پالم ډور پر لور خپلو فلمونو ته د بریا هیله کوو."

د تورکیې ملي راډیو تلویزیون د خپل ګډ تولید ظرفیت په پرله پسې توګه لوړولو او د غوره پروژو په ملاتړ سره، په نړیواله سینما کې د یوه کلیدي لوبغاړي په توګه خپل رول پیاوړي کولو ته دوام ورکوي.