د دې ادعا شوې ده چې د ایران بریدونو په منځني ختیځ کې د امریکا استخباراتي تاسیساتو او تجهیزاتو ته ملیاردونه ډالر زیان رسولی دی.

د NBC نیوز په وینا، د څلورو چارواکو په حواله چې له دې موضوع سره بلد دي، د ایران د بې پیلوټه الوتکو او توغندیو بریدونو هغه ودانۍ او تجهیزات زیانمن کړي دي چې د امریکا د مرکزي استخباراتو ادارې (CIA) او په منځني ختیځ کې د نورو استخباراتي ادارو لخوا کارول کیږي.

چارواکو استدلال وکړ چې بریدونو په سیمه کې د امریکا استخباراتي تاسیساتو ته "بې ساري" زیان اړولی، او ادعا یې وکړه چې د ودانیو او تجهیزاتو ترمیم یا بدلول به ملیاردونه ډالر لګښت ولري.

د سي این این په وینا، د سپوږمکۍ انځورونو، د زیانونو د ارزونې راپورونو او د امریکا او خلیج سرچینو په حواله ویلي چې، د فبروري له ۲۸مې راهیسې د ایران د بریدونو په پایله کې په منځني ختیځ کې لږترلږه ۱۶ امریکایي پوځي اډو ته په مختلفو درجو زیان رسیدلی دی.

د سي بي ایس نیوز او سي این این په ګډون ګڼو امریکايي رسنیو ادعا کړې چې له ایران سره د جګړې ټول لګښت به لږ تر لږه ۵۰ ملیارد ډالر وي.