د اسرائیلو پوځ د سوریې په جنوب کې د قنیطره ولایت په شمالي کلیوالي سیمه کې د جباتا الحشاب په ښارګوټي چاپه ووهله او دوه کسان یې ونیول.
د سوریې د دولتي ټلویزیوني چینل الاخباریه په وینا، اسرائیلي سرتیرو د جباتا الحشاب په ښارګوټي برید وکړ او ګڼ شمیر کورونه یې تلاشي کړل.
د چاپې پر مهال دوه کسان د اسرائیلي ځواکونو لخوا نیول شوي دي.
د بشارالاسد د رژیم له ړنګیدو وروسته (دسمبر ۲۰۲۴)، د اسرائیلو پوځ، په ۱۹۷۴ کال کې د لاسلیک شوي "د ځواکونو د جلا کولو تړون" څخه په سرغړونه کې، د سوریې په سویلي درعا او قنیطره ولایتونو کې، چې اشغال کړي یې دي، ۱۰ اډې او پوځي پوستې جوړې کړې.
د سوریې د ولسمشر احمد شارع د پخوانۍ وینا له مخې، د اسرائیلو پوځ د ۲۰۲۴ کال د دسمبر د ۸مې او د ۲۰۲۵ کال د جولای د ۱۸مې ترمنځ د سوریې په مختلفو برخو کې له ۱۰۰۰ څخه زیات هوايي بریدونه او شاوخوا ۴۰۰ ځمکني بریدونه کړي دي.
