همداشان د زلزلې نه وروسته  د یاڅوشیرو  بحیرې پر غاړه سونامي د رامنځته کیدو نه خبر ورکړ شوی دی.
د جاپان په سویل کې د کوماموتو (Kumamoto) ولایت په سواحلو کې د ریښتر په کچه د ۷.۱ درجې په شدت سره  زلزله رامنځته شوه.

د جاپان د هوا پېژندنې ادارې د معلوماتو له مخې، دغه زلزله د کوماموتو ولایت په اوکي (Uki) او هیکاوا (Hikawa) سیمو کې د ځايي وخت له مخې مازیګر په ۴ بجو او ۲۷ دقیقو رامنخته شوه.

یاده ۷.۱ درجې زلزله د ځمکې په ۱۰ کیلومتره ژوروالي کې ثبت شوې ده.

د جاپان دولتي ټلوېزیون (NHK) ویلي چې تر اوسه د دې لړزې له امله د چا د مړینې یا ټپي کېدو خبر نه دی ترلاسه شوی.

هوا پېژندنې ادارې زیاته کړې چې دغه زلزله د کوماموتو په یاڅوشیرو، اوټو (Uto) او ماشیکي (Mashiki) سیمو کې هم په شدت سره احساس شوې ده.

دولتي ټلوېزیون NHK د زلزلې له امله د یاڅوشیرو بحیرې پر هغو ساحلي غاړو چې له کوماموتو ولایت سره نښتې دي، سونامي خبرداری ورکړی دی.