د احتمالي "وروستي ګوزار" د بریدونو په اړه معلومات ورکړل. فوکس نیوز د پنجشنبې په ورځ راپور ورکړ چې ایډمیرل براد کوپر په سپینه ماڼۍ کې د بریفینګ پر مهال دا انتخابونه وړاندې کړل.
ایډمیرل کوپر په 'سیچویشن روم' کې د معلوماتو ورکولو پر مهال، که چېرې ولسمشر د پوځي عملیاتو د بیا پیل پرېکړه وکړي، د بریدونو د یوې "لنډې خو زورورې څپې" طرحه وړاندې کړه. د دغه تلویزیوني چینل په وینا، په نښه کېدونکو اهدافو کې د ایران "پاتې پوځي شتمنۍ، رهبري او زیربناوې" شاملې دي.
پنټاګون د "ډارک ایګل په نوم د یوې نوې هایپرسونیک توغندۍ په ګډون د پرمختللو وسلو د کارولو په اړه هم غور کوي. فوکس نیوز وايي دا توغندی د ۳۲۱۸ کیلومتره واټن ویشتلو وړتیا لري او کولی شي د ایران د بالستیک توغندیو پاتې لانچرونه په نښه کړي.
راپور زیاتوي چې په سیمه کې د B-1B لانسر (Lancer) بم غورځونکو الوتکو شتون هم زیات شوی دی، چې په هایپرسونیک وسلو سمبالېدی شي او د "لویو محمولو" د لېږد وړتیا لري.
امریکا او اسراییلو د فبروري پر ۲۸مه پر ایران بریدونه پیل کړل، چې په غبرګون کې یې تهران په خلیج کې د امریکا پر متحدینو بریدونه وکړل او د هرمز ستراتیژیک تنګی یې وتاړه.
د اپریل پر ۸مه د پاکستان په منځګړیتوب اوربند اعلان شو، خو د اپریل پر ۱۱مه او ۱۲مه په اسلام اباد کې د دواړو خواوو ترمنځ خبرې اترې کومې هوکړې ته ونه رسېدې. له هغه وروسته، ټرمپ د پاکستان په غوښتنه دا اوربند په یو اړخیزه توګه وغځاوه، خو د پای لپاره یې کومه نوې نېټه ونه ټاکله.
