برهان الدین دوران وايي چې دا کلنۍ غونډه د اناتولیا د پخلنځي میراث او دودونو ته په ټوله نړۍ کې وده ورکوي.

د تورکیې د عامه اړیکو  رئیس برهان الدین دوران د پنجشنبې په ورځ د تورکیې د خوړو اونۍ کلتوري اهمیت روښانه کړ، او دا کلنۍ پیښه یې د تورکیې د بډایه خوړو او تمدني میراث د لمانځلو په توګه تشریح کړه.

د تورکیې د ټولنیزو رسنیو پلیټ فارم NSosyal کې په یوه پوسټ کې، دوران وویل چې دا پیښه، چې سږکال د پنځم ځل لپاره د "میراث په یوه دسترخوان" تر عنوان لاندې او د لومړۍ میرمنې امینه اردوغان تر سرپرستۍ لاندې ترسره کیږي، د اناتولیا دودیز خوندونه او د تورکیې اوږدمهاله کلتوري میراثونه نړۍ ته ورپېژني.

دوران وویل: "د یو ملت یادونه کله ناکله په یوه ولسي سندره کې ژوند کوي، او کله ناکله د هغو زړونو په منځ کې چې د یوه دسترخوان شاوخوا راټولېږي."

هغه زیاته کړه چې تورکي خواړه له پېړیو راهیسې یوازې د خوړو نه، بلکې د “شریکولو، برکت، مېلمه‌ پالنې او کلتور” استازیتوب هم کوي.

دروان همدارنګه له هغو پخوونکو، تولیدوونکو او ټولو هغو کسانو مننه وکړه چې د تورکي خوړو دودونه ساتي او راتلونکو نسلونو ته یې لېږدوي، او د “تورکي خوړو اونۍ” ګډونوالو ته یې مبارکي ورکړه.