روغتیا
2 د لوستلو دقیقې
ډېر وخت کېناستل له سرطان څخه د مړینې خطر زیاتوي
نوې څېړنې ښیي چې په ورځ کې په یو ځل له ۳۰ دقیقو څخه ډېر کېناستل له سرطان څخه د مړینې خطر زیاتوي. کارپوهان وایي چې په دفتر کې لنډه پیاده‌روي یا د کور سپک کارونه کول هم دغه خطر کمولی شي.
ډېر وخت کېناستل له سرطان څخه د مړینې خطر زیاتوي
ډېر وخت کېناستل له سرطان څخه د مړینې خطر زیاتوي

د ګلاسګو پوهنتون څېړونکو د ۱۰ کلونو په اوږدو کې له ۹۰ زرو څخه ډېر کسان څارلي دي. د 'Plos Medicine' په مجله کې د خپرو شویو موندنو له مخې، په ویښه کې په یو ځل له ۳۰ دقیقو څخه ډېر کېناستل یا غځېدل له سرطان څخه د مړینې خطر زیاتوي. د هر اضافي ساعت لپاره چې یو څوک بې حرکته پاتې کېږي، دا خطر لا پسې لوړېږي.

خو څېړنې وښودله چې د دغو بې حرکته وختونو ترمنځ فزیکي فعالیت کول یو خوندي کوونکی اغېز لرلای شي. ویل شوي چې په هره نیمه ګړۍ کې یو ځل پورته کېدل او حرکت کول پر روغتیا خورا مثبت اغېز لري.

د سپکو حرکتونو ځواک

د څېړنې مخکښ لیکوال ډاکټر فرېډریک هو وویل چې اوسنۍ روغتیایي سپارښتنې ډېری پر منځني یا درنو تمرینونو تمرکز کوي، خو د دوی موندنې ښيي چې سپک حرکتونه هم باید له پامه ونه غورځول شي.

متخصصینو په برېتانیا کې د 'UK Biobank' په پروژه کې د ۹۱ زرو څخه د ډېرو کسانو هغه معلومات وڅېړل چې د اغوستلو وړ تکنالوژیکي وسایلو (لکه سمارټ واچ) له لارې ترلاسه شوي وو. هغوی ګډونوال په اوسط ډول ۱۲ کاله وڅارل. پایلو وښودله چې هره ورځ یو اضافي ساعت بې حرکته تېرول، له سرطان څخه د مړینې خطر ۱۰ سلنه زیاتوي.

برعکس، د بې حرکتۍ پر ځای د فزیکي فعالیت ترسره کول دا خطر کموي. د څېړنې په اساس:

هره ورځ د یو ساعت بې حرکتۍ پر ځای د کالو اوتو کول یا د لوښو مینځلو په څېر سپک فزیکي فعالیتونه کول، له سرطان څخه د مړینې خطر ۱۲ سلنه کموي.

هره ورځ ۳۰ دقیقې کېناستل د منځني سرعت په پیاده‌روۍ بدلول، دا خطر ۸ سلنه راکموي.

د پنځو دقیقو کېناستلو پر ځای د پنځو دقیقو درانه فزیکي فعالیت ترسره کول، خطر ۲۲ سلنه کموي.

که څه هم دا یوه مشاهده‌اي څېړنه ده او نشي کولی یو قطعي علت او معلول ثابت کړي، خو کارپوهان ټینګار کوي چې د کېناستلو وختونو د وېشلو لپاره د شخصي تګلارو جوړول له کلینیکي پلوه خورا مهم دي.

وپلټۍ
متحده عربي اماراتو ملي تېلو شرکت«اډنوک» اعلان وکړ چې یوه بېړۍ یې په هرمز تنګي کې تر برید لاندې راغلی
د حوثیانو له خوا توغول شوی یو کروز توغندی د ریاض په سیمه کې له منځه یوړل شو
د روسیې په کېمېروو سیمه کې د یوې پوځي ترانسپورتي الوتکې د لوېدو له امله ۱۹ تنو ژوند د لاسه ورکړی دی.
د ایران پوځ په کویټ کې د امریکا په هوايي اډه کې د پېټریوټ دفاعي سیسټمونو د ویشتو ادعا وکړه.
امریکا د ایران پر قیشم ټاپو ګڼ شمېر بریدونه کړي دي.
د مهمو خبرونو غورچاڼ
ټرمپ: د روسیې او اوکراین جګړه حل ته «ډېره نږدې» شوې ده
په ټوله اروپا کې د امریکا سفارتونو  خپلو اتباعو ته د احتمالي امنیتي ګواښونو په اړه خبرداری ورکړ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي