د تورکیې ملي غیږ نیوونکي د ۱۳ ځل لپاره د اروپا اتلولي وګټله.
تورکيې ملي غیږ نیوونکي رضا کایا الپ په غېږنیونه کې د ۱۳م ځل لپاره د اروپا د سرو زرو مډال ګټلو ریکارډ جوړ کړ
دغه تورکي لوبغاړی لومړنی غېږنیوونکی شو چې د اروپا په اتلولیو کې ۱۳ د سرو زرو مډالونه ترلاسه کوي.
تورکي غېږنیوونکي رضا کایا الپ د ۲۰۲۶ کال د اروپا د غېږنیونې په سیالیو کې د سرو زرو مډال وګاټه.
۳۶ کلن کایا الپ د البانیا په پلازمېنه 'تیرانا' کې د هنګري سیال 'داریوس اتیلا ویتک' ته ۷-۱ په مقابل کې ماته ورکړه او په ۱۳۰ کیلوګرامه وزن ګریکو-رومن برخه کې یې د اتلولۍ لقب خپل کړ.
له دې بریا سره، هغه په تاریخ کې لومړنی غېږنیوونکی شو چې د اروپا په اتلولیو کې ۱۳ د سرو زرو مډالونه ګټي.
دغه تورکي ورزشکار تر اوسه د اروپا د اتلولۍ په ۱۵ پایلوبو (فاینلونو) کې ګډون کړی چې ۱۳ د سرو زرو او ۲ د سپینو زرو مډالونه یې ترلاسه کړي دي.
نوموړي دغه راز د اولمپیک په سیالیو کې هم درې مډالونه ګټلي، چې یو د سپینو زرو او دوه د برونزو (ژېړو) مډالونه پکې شامل دي.
