د امریکا ولسمشر ډونالډ ټرمپ وویل چې پر ایران اقتصادي فشارونه اغېزمن وو او زیاته یې کړه چې "ایران به اټومي وسلې ونه لري."
ډونالډ ټرمپ له فاکس نیوز سره په یوه مرکه کې د هغې جګړې په اړه تبصره وکړه چې د فبروري په ۲۸مه پر ایران د امریکا او اسرائیلو د بریدونو سره پیل شوه.
ټرمپ وویل چې "ټول، په شمول د هغه، د امریکا او اسرائیلو د بریدونو په ځواب کې د خلیج هیوادونو باندې د ایران د غچ اخیستونکو بریدونو حیران کړي، او بیا یې ټینګار وکړ چې "ایران به اټومي وسلې ونه لري."
ټرمپ ادعا وکړه چې د تهران لخوا په خلیج هېوادونو حملې ښيي که ایران اتومي وسله درلودای، نو هغه به یې هم کارولې وای؛ دې به منځنی ختیځ او اسرائیل له منځه وړي وای اروپا او امریکا به د هغوی وروستي هدفونه ګرځېدل وای.
د امریکا ولسمشر ټرمپ وویل: "که زه د امریکا ولسمشر نه وای، اسرائیل به له منځه تللی وای. کیدای شي منځنی ختیځ هم موجود نه وای."
ټرمپ چې د امریکا سمندري محاصره او پر ایران اقتصادي فشارونه یې اغېزمن بللي، بیا یې هم تکرار کړه چې ایران د "سقوط په حال کې یو هیواد دی."
