د عمان د سمندري امنیت مرکز پر «X» ټولنیزه شبکه په یوه اعلامیه کې ویلي چې د مسندم له ساحل څخه ۱۰۳ سمندري مایله لېرې د پاناما په بیرغ سمبال د «ELGAIA» په نوم د تېلو یو ټانکر باندې برید شوی دی.
که څه هم د برید د ډول، د ترسره کېدو د دقیق وخت او د چا لخوا د ترسره کیدو په اړه معلومات نه دي ورکړل شوي، خو ویل شوي چې د ټانکر په انجن خونه کې لګېدلی اور وژل شوی او د کښتۍ د اېستلو او انتقال هڅې پیل شوي دي.
وړاندیز شوي
په اعلامیه کې زیاته شوې چې د عملې ۲۳ غړي ژغورل شوي او د ۲ نورو لا درکه شویو کسانو د موندلو او ژغورنې عملیات دوام لري.
