نوې سوریه
2 د لوستلو دقیقې
د ملګري ملتونه : د سوریې په غیر مستقیمو ټاکنو کې له دې نړیوال سازمان څخه د مرستې غوښتنه نده شوې
ملګرو ملتونو د دوشنبې په ورځ په سوریه کې د یوې لنډمهاله ادارې او مقننه قوې جوړول د انتقالي دورې په جریان کې د هیواد د بیړنیو لومړیتوبونو په نښه کولو کې "یو مهم ګام" وبله.
د ملګري ملتونه : د سوریې په غیر مستقیمو ټاکنو کې له دې نړیوال سازمان څخه د مرستې غوښتنه نده شوې
د ملګري ملتونه : د سوریې په غیر مستقیمو ټاکنو کې له دې نړیوال سازمان څخه د مرستې غوښتنه نده شوې / Reuters

ملګرو ملتونو د سوریې لنډمهاله مقننه قوه د انتقال په لور 'یو مهم ګام' وباله

د ملګرو ملتونو ویاند وايي چې د سوریې په غیر مستقیمو ټاکنو کې له دې نړیوال سازمان څخه د مرستې غوښتنه نه ده شوې.

ملګرو ملتونو د دوشنبې په ورځ په سوریه کې د یوې لنډمهاله ادارې او مقننه قوې جوړول د انتقالي دورې په جریان کې د هیواد د بیړنیو لومړیتوبونو په نښه کولو کې "یو مهم ګام" وبله.

د ملګرو ملتونو ویاند ستفان دوجاریک د یو مطبوعاتي کنفرانس پر مهال خبریالانو ته وویل چې د ملګرو ملتونو د ځانګړي استازي دفتر "د هغو غیرمستقیمو انتخاباتو یادونه کړې چې پرون ترسره شوي وو."

هغه زیاته کړه: "موږ به په څرګنده توګه د رسمي پایلو د اعلان او د جرګې د پاتې څوکيو لپاره د ولسمشر د ټاکنو په اړه پرمختګونه تعقیب کړو."

د دې په یادولو سره چې "په لویه کچه د ملګرو ملتونو لپاره د ځانګړي استازي دفتر په ټاکنو کې ښکیل نه و،" دوجاریک وویل: "له موږ څخه د هیڅ ډول ټاکنیزې مرستې غوښتنه نه وه شوې."

هغه وویل: "سره له دې، د موقتي ادارې او موقتي مقننه قوې جوړېدل د انتقالي دورې پر مهال د بیړنیو حقوقي او اداري لومړیتوبونو د حل لپاره یو مهم ګام دی."

هغه زیاته کړه چې "د ملګرو ملتونو د ځانګړي استازي دفتر د دې په اهمیت ټینګار کوي چې د خلکو د جرګې کار باید د انتقالي دورې پر مهال په شفاف، پرانستي او هرشمول ډول ترسره شي."

دوجاریک دا هم وویل چې "د سوریایي ټولنې د ټولو برخو د ګډون د تضمین لپاره لا هم د پام وړ هڅو ته اړتیا ده."

د هغه څرګندونې د یکشنبې په ورځ په سوریه کې د خلکو د جرګې لپاره د ترسره شوې غیرمستقیمې رایې ورکونې په تړاو وې، چې دا د اسد د رژیم له نسکورېدو وروسته لومړۍ ټاکنې وې. شاوخوا ۶،۰۰۰ رایه ‌ورکوونکي د ټول هېواد له ټاکنیزو ارګانونو څخه وټاکل شول څو د ۲۱۰ څوکيو د جرګې د دوه پر دريمه برخې د ټاکلو لپاره خپلې رایې وکاروي.

د نوي انتقالي نظام له مخې، ۱۴۰ څوکۍ د دغو غیرمستقیمو رایو له لارې سیالي شوې، او ولسمشر به د پاتې ۷۰ غړو د ټاکلو لپاره فرمان صادر کړي.

وپلټۍ
متحده عربي اماراتو ملي تېلو شرکت«اډنوک» اعلان وکړ چې یوه بېړۍ یې په هرمز تنګي کې تر برید لاندې راغلی
د حوثیانو له خوا توغول شوی یو کروز توغندی د ریاض په سیمه کې له منځه یوړل شو
د روسیې په کېمېروو سیمه کې د یوې پوځي ترانسپورتي الوتکې د لوېدو له امله ۱۹ تنو ژوند د لاسه ورکړی دی.
د ایران پوځ په کویټ کې د امریکا په هوايي اډه کې د پېټریوټ دفاعي سیسټمونو د ویشتو ادعا وکړه.
امریکا د ایران پر قیشم ټاپو ګڼ شمېر بریدونه کړي دي.
د مهمو خبرونو غورچاڼ
ټرمپ: د روسیې او اوکراین جګړه حل ته «ډېره نږدې» شوې ده
په ټوله اروپا کې د امریکا سفارتونو  خپلو اتباعو ته د احتمالي امنیتي ګواښونو په اړه خبرداری ورکړ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي