د ویلو ده چې ټکنوفیست به په خپله دویمه ورځ د هوایي نندارو، ټیکنالوژۍ نندارتونونو، سیالیو او ورکشاپونو سره د لیدونکو کوربه توب وکړي. د تورکیې مشهور پیلوټان به  د فستیوال په چوکاټ کې د دویم ځل لپاره د شانلي اورفا په آسمان کې خپله ننداره وړاندې کړي.
ټیکنوفیسټ، چې د ټیکنالوژۍ مینه وال، ځوان اختراع کونکي او زرګونه لیدونکي سره راټولوي، په خپله دویمه ورځ به بیا هم په ځمکه او اسمان کې د ډیرو نندارو کوربه توب وکړي.

دا ستر سازمان، چې د پرمختللي ټیکنالوژۍ سمیلیټرونو څخه نیولې تر ساینسي ورکشاپونو او نندارتونونو پورې د هر عمر ګډون کونکو لپاره خطاب کوي، د هوایي چلند او دفاعي صنعت د هوایي نندارو شاهد به هم وي.

ددې فیستیوال په چوکاټ کې به د هیواد ځايي او ملي هوايي وسایط لکه د اټاک (ATAK) چورلکې، هورکوش (HÜRKUŞ)، جزري (CEZERİ)، انکا (ANKA)، بیرقدار ټي بي ۲ (Bayraktar TB2)، بیرقدار ټي بي ۳ (Bayraktar TB3) او بیرقدار اکنجي (Bayraktar AKINCI) ترڅنګ ځمکني او سمندري وسایط هم نندارې ته وړاندې شي.

په فستیوال کې به لیدونکو ته د سټیج نندارې، نندارتونونه، ښوونیز ورکشاپونه، د سمیلیشن (مجازي) تجربې ځایونه، پلانیټاریم (ستوریز نندارتون)، ساینسي نندارې، د ټیکنوفیسټ د وخت تونل، د ملي سمندري، ځمکني او هوایي وسایطو نندارتون، د فیستیوال نور فعالیتونه او د زده کونکو لپاره د لومړۍ الوتنې ځانګړي فعالیتونه هم وړاندې شي.

د فستیوال د دویمې ورځې په وروستي فعالیت کې به یو کنسرټ هم ترسره شي.

سویل ختیځ ټیکنوفیسټ به د اکتوبر تر ۴مې نیټې پورې د لیدونکو پر مخ پرانیستی وي.