د اوکراین د بیارغونې مرستیال لومړي وزیر اولیکسي کولیبا وویل، د روسیې د بې پیلوټه الوتکو له خوا د اوکراین بندرونو ته په روانو سوداګریزو کښتیو برید وکړ چې له امله يي د مصر د عملې یو ۵۸ کلن غړی وژل شوی او څو نور، چې تورکي او هندي وګړي هم پکې شامل وو له کښتیو تخلیه شوي دي.
په ټولنیزو رسنیو کې په یوه خپره شوې اعلامیه کې، کولیبا وویل چې روسي ځواکونو د شپې له خوا د اوکراین په لور د ملکي سوداګریزو کښتیو باندې د ډرون بریدونه ترسره کړل، چې له امله یې د پاناما بیرغ لرونکې یوې کښتۍ اور واخیست.
هغه وویل: "د جون د ۲۲مې نېټې په شپه، دوه ملکي سوداګریزې بېړۍ چې د اوکراین بندرونو ته روانې وې د روسیې د بې پیلوټه الوتکو بریدونو لاندې راغلې. د دې برید له امله د پاناما بیرغ لرونکې کښتۍ کې اور ولګېد."
د کولیبا په وینا، هغه مصری وګړی چې د پاناما بیرغ لرونکې کښتۍ کې د اشپز په توګه کار کاوه، په برید کې ژوند د لاسه ورکړ. هغه زیاته کړه: "د تورکیې او هند د اتباعو په ګډون د عملې اته غړي اړ شول چې د ژغورنې کښتۍ له لارې وایستل شي."
هغه زیاته کړه چې د پلوو او بیلیز د بیرغونو لاندې کښتۍ هم د بریدونو په ورته څپې کې په نښه شوې وې.
کولیبا دا پیښه "د روسیې لخوا ترسره شوی جنګي جرم" وباله او داسې ویډیوګانې یې خپرې کړې چې د هغه په وینا د بریدونو پایلې ښيي.
