نوښتګري
2 د لوستلو دقیقې
د جیف بیزوس د فضایي شرکت لپاره لویه ضربه؛ د بلو اورېجن شرکت فضايي توغندی د توغولو پر ځای وچاودېد
امریکایي رسنیو خبر ورکړی چې د بلو اورېجن شرکت "نوي ګلین" توغندی د فلوریډا په کېپ کاناورل کې د توغولو پر ځای چاودلی دی.
د جیف بیزوس د فضایي شرکت لپاره لویه ضربه؛ د بلو اورېجن شرکت فضايي توغندی د توغولو پر ځای وچاودېد
د جیف بیزوس د فضایي شرکت لپاره لویه ضربه؛ د بلو اورېجن شرکت فضايي توغندی د توغولو پر ځای وچاودېد

نوي ګلین (New Glenn) توغندي د توغولو پر ځای د ازموینې پر مهال چاودنه وکړه، نږدې کورونه یې ولړزول او د فلوریډا په ختیځ کې یې اسمان د لږ وخت لپاره نارنجي کړ.

امریکایي رسنیو خبر ورکړی چې د بلو اورېجن شرکت "نوي ګلین" توغندی د فلوریډا په کېپ کاناورل کې د توغولو پر ځای چاودلی دی.

شرکت د پنجشنبې په ورځ په ایکس (پخواني ټویټر) کې په یوه لنډه اعلامیه کې ویلي: "موږ د نننۍ ګرمې ازموینې پر مهال له یوې غیر نورمالې ستونزې سره مخ شوو." دوی زیاته کړې چې "ټول کارمندان روغ رمټ دي او چا ته زیان نه دی رسېدلی."

د پېښې ویډیو ښیي چې لومړی له توغندي لوګی پورته کېږي او وروسته په بشپړ ډول  د اور په یوې لویې لمبې بدلېږي.

د فلوریډا د کانګرس غړي مایک هریدوپولوس، چې کېپ کاناورل یې په انتخاباتي حوزه کې راځي، په ایکس کې ویلي چې د دې چاودنې په اړه یې د ناسا (NASA) له اداري مدیر جارډ اساکمن سره خبرې کړې دي.

هریدوپولوس ویلي: "زه خوښ یم چې د کومې ټپي کېدنې راپور نشته او د هغو ژغورونکو، انجنیرانو او د توغولو د عملې منندوی یم چې په چټکۍ یې اقدام وکړ."

دا چاودنه د میلیاردر جیف بیزوس د فضا سپړنې شرکت لپاره یو تازه خنډ او شاتګ دی.

تېره میاشت هم د دغه شرکت نوي ګلین توغندی په خپل ماموریت کې پاتې راغلی و چې یو مخابراتي سټلایټ په سم مدار کې ځای پر ځای کړي، چې دغې پېښې هم پلټنې له ځانه سره لرلې.

 

وپلټۍ
متحده عربي اماراتو ملي تېلو شرکت«اډنوک» اعلان وکړ چې یوه بېړۍ یې په هرمز تنګي کې تر برید لاندې راغلی
د حوثیانو له خوا توغول شوی یو کروز توغندی د ریاض په سیمه کې له منځه یوړل شو
د روسیې په کېمېروو سیمه کې د یوې پوځي ترانسپورتي الوتکې د لوېدو له امله ۱۹ تنو ژوند د لاسه ورکړی دی.
د ایران پوځ په کویټ کې د امریکا په هوايي اډه کې د پېټریوټ دفاعي سیسټمونو د ویشتو ادعا وکړه.
امریکا د ایران پر قیشم ټاپو ګڼ شمېر بریدونه کړي دي.
د مهمو خبرونو غورچاڼ
ټرمپ: د روسیې او اوکراین جګړه حل ته «ډېره نږدې» شوې ده
په ټوله اروپا کې د امریکا سفارتونو  خپلو اتباعو ته د احتمالي امنیتي ګواښونو په اړه خبرداری ورکړ
د پاکستان د پوځ مشر له ایران سره د 'نږدې همغږۍ' غوښتنه وکړه
غیرقانوني اسرائیلي ښارګوټو اوسیدونکو  یوه فلسطینۍ ښځه ووژله او ۱۰ نور یې ټپیان کړل
د فنلنډ ولسمشر تورکیه د اروپا یو مهم امنیتي لوبغاړی او د ناټو نه بېلېدونکی متحد وباله.
سعودي شرکت په پاکستان کې د ۳۰ میلیارده ډالرو په ارزښت د انرژۍ زېربناوو د پراختیا هوکړه لاسلیک کړه
د منګولیا ولسمشر ویلي د فساد له تورونو وروسته به استعفا وکړي او ژمنه یې وکړه چې خپل نوم به پاک کړي.
د عراق پارلماني پلټنو په «جرف الصخر» کې د تېلو د قاچاق شواهد افشا کړل
فیدان وايي تورکیه باید د سیمه‌ییز اتصال د پیاوړتیا مشري پر غاړه واخلي