د کییف ښاروال ویتالي کلیچکو په خپله ټولنیزه پاڼه کې په یوه لیکلي بیان کې وویل چې روسیې تېره شپه پر پلازمېنې توغندیز برید کړی دی.
کلیچکو د دې معلوماتو په ورکولو سره چې برید په ځايي وخت د شپې په ۰۲:۳۶ بجو پیل شوی، وویل چې پر کییف بالستیک توغندي ویشتل شوي دي.
نوموړي زیاته کړه چې د دې برید له امله د پلازمېنې په بېلابېلو برخو کې مالي زیانونه او ویجاړۍ رامنځته شوې دي.
کلیچکو د لومړنیو معلوماتو پر بنسټ وویل چې په دې برید کې ۹ کسانو خپل ژوند له لاسه ورکړی او د ۴ ماشومانو په ګډون ۲۸ نور کسان ټپیان شوي دي.
د اوکراین د بیړنیو حالاتو دولتي ادارې په یوه اعلامیه کې ویلي چې د کییف په ۵ بېلابېلو سیمو کې یې د لټون او ژغورنې عملیات پیل کړي دي.
بلخوا د اوکراین پوځ په یوه بیان کې ویلي چې پر هېواد د روسیې هوايي بریدونه لا هم دوام لري.
