د جومات بهرنۍ برخې ته سخت زیان رسېدلی او یو دېوال یې چپه شوی دی.
د پاکستاني رسنیو د خبر له مخې، چاودنه د خیبر پښتونخوا ایالت په کوهاټ سیمه کې د امنیې قوماندانۍ په سرپرستۍ/محوطه کې دننه په یوه جومات کې شوې ده.
د کوهاټ د مرکزي روغتون سرطبیب طاهر علي شاه وویل، د لومړنیو شمېرو له مخې په چاودنه کې ۱۵ کسانو خپل ژوند له لاسه ورکړی او تر ۵۰ ډېر ټپیان تر درملنې لاندې دي.
امنيتي سرچينو وويل، درنې چاودنې د جمعې د لمانځه پر مهال د جومات بهرنۍ خوا ته کندې جوړې کړي، د جومات بهرنۍ برخې ته یې ډېر زیان اړولی او یو دیوال یې راپریوتی دی.
وړاندیز شوي
له پېښې وروسته، هغه لاره چې چاودنه پکې شوې (د کوهاټ - هنګو سړک) د ټرافیکو پر مخ تړل شوې او د کوهاټ په مرکزي روغتون کې بیړنی حالت اعلان شوی دی.
سیمې ته اضافي امنیتي ځواکونه استول شوي او د پلټنې او ژغورنې عملیات روان دي.
